گاموح دا بحرانلارين سبب لري

قاجارلی آغاممد

Qacarli_agamemmed@ yahoo.com

گونئي آذربايجانين آزادليغي اوغروندا موباريزه آپاران گامووح تشكيلاتي ، ميللي هدف لريميز دوغرولتوسوندا بؤيوك اوغورلار الده ائتميش بير تشكيلات دير .

گاموح بو اوغورلارين ياني سيرا، بير چوخلارينين باخيشي ايله آردي كسيلمز بحرانلارادا اوغراميشدير و هله ده اوغراماقدادير. ايران ايسلام شوونيست حاكمييتي، ميللي فعاللاريميز و گاموحون اؤز اويه لرينين باخيشي ايله بحران آدلانان آنلارين، بلكه چوخونلوغو بحران يؤنته نيمي باخيميندان اؤزلويونده بحران اؤزللييي داشيمير.

آنجاق بير اولايين و بير آنين اؤزلويونده بحران اولماسي ايله ، اونون بحران اولاراق آلقيلاماسينين سونوجلاري اوخشار اولدوغونا گؤره گاموحون اوغراديغي آغير گونلر، چؤزولمه سي گركن بؤيوك سورونلار و هزينه سي يوخاري اولان بؤيوك داربه لری بو باخيشلا بحران آدلانديرساق ، يانيلماريق.

همين سورونلارين چوخونو، آدي چكيلن قروپلار بحران اولاراق گؤرموشلر.

بحران آدلانديرديقلاري اولاي و آنلارين سببلرينه گلديكده ايسه، آدي چكيلن قروپلارين چئشيتلي و بعضاً چليشكیلی باخيشلاري وار. بير سيرالاري ، گاموحون قارشيلاشديغي بحرانلاری ، فارس موللا رئژيمينين سياست لرينين بير باشا سونوجو اولاراق ديرلنديريرلر. باشقالاري قونشو و بؤيوك دئولت لرين گاموحا قارشي منفي سياست لرينه باغلاييرلار و يا گاموحون اؤزونون ضعيف اولماسينادا بو بحرانلاري باغلايانلار وار. بو واريانتلارين هانسي نين نه قدر ائتگيلي اولدوغو بير يانا، داها گئنيش باخديقدا ، بو بحرانلارين سايجا چوخ اولماسي نين اساس ندن لرين تاپماق لازيم دير.

ندن فارس موللا رئژيمي، قونشو دئولت لر و بير سيرا ميللتچيلر بئله، گاموحو بحرانا دوشورمه يه جان آتيرلار؟ ندن گاموح آرديجيل بحرانا اوغرايير؟ گاموحدا يارانان بحرانلاردا بيرينجي درجه لري ائتكن لر نه دير؟

بيرينجي درجه لي ائتكن دئديكده، وورقولانان عاميل لر ايكينجي درجه لي عامل لر ساييلماقدادير. گاموح دا بير سيرا اؤزل ليكلر وار كي همين ايكينجي درجه لي عاميل لر اونو بحرانا ساري يؤنتمك ايسته يير. بو عاميل لري وورقولاماق اونا گؤره اؤنملي دير كي ، ميللي قورتولوش ساواشيميزدا گاموح قونوموندا اولان هر بير تشكيلات دا گؤرونه بيلر. همين عاميل لري تانيماق، گلجك بحرانلاري ان آزيندان دوغال سايماغيميزدا يارديمجي اولاجاق. خوش گؤرولوكده ايسه او عاميل لري تانيماقلا بحرانلاري يؤنتمكده اوغورلو اولاجاييق.

بير داها اؤزتلمه ياپساق بئله بير سورويا جاواب تاپمالي ييق:

گاموحون قونومونا، اؤزلليك لرينه و سياستلرينه باخديقدا اونو آرديجيل بحرانلارلا اوزلشديرن عاميل لر ندير؟ همين عاميل لرين بحران ياراتماقدان باشقا آيريجا ائتكي لريده اولموشدورمو؟

گاموحون قونومو، اؤزلليكلري ، سياستلري و بحرانلار:

1-گاموحون گوج گؤرونتوسو و گئرچك ليك:

ميللي حركتيميزده ان اؤنده گئدن و ان گوجلو تشكيلات گاموح اولسادا ، حركتيميزده ، ايچريده و ديشاريدا سؤزون اؤز آنلاميندا تكجه تشكيلات اؤزللييي داشييان و تشكيلات گوجونو اؤزونده داشييان اؤرگوت گاموح اولسادا ، حركت ده تشكيلاتي گوجلنديره بيله جك بوتون عاميل لره ييه له نن اؤرگوت گاموح اولسادا ، گوجلو و كاريزماتيك ليدئر و فداكار و ساوادلي اويه لره گاموح يييه لنسه ده ،... دونيا چاپيندا  باشقا ميللت لرين ميللي- سياسي – نظامي تشكيلاتلارينا باخديقدا گاموح چوخ ضعيف تشكيلات دير. آجي گرچك بودور كي حركتيميزين ان گوجلو تشكيلاتي ساييلان گاموحون گرچك گوجو گؤروندويوندن قات – قات آزدير. گاموحون گرچك گوجو ايله  گؤسترديي گوج آراسيندا فرق وار. بوندان آجيسي دا بودور كي وورقولاديغيميز كيمي ميللي حركتيميزده اولان باشقا تشكيلاتلاريميزين گوجو لاپ آجيناجاقلي دورومدادير. اونلاريندا گرچك گوجلري گؤروندويوندن قات – قات آشاغي دير.

گاموحون اؤزونو گوجلو گؤسترمه سي (باشقا قروپلاردا ائله دير) حركتيميزين يارانما ندنينه ، ميللتيميزين پيسخولوژياسينا و بو گونكو دورومونا، سياسي موباريزه نين قوراللارينا و ... قاييدير.

فارس شوونيزمي 80 ايلدن آرتيق دير كي ميللتيميزي آلچاتماقدادير. تحقير اولونموش بير ميللت ده يئني دن موباريزه روحو آشيلاماق ضعيف لرين اليندن گلنمز. موباريزه يه قالخان بير ميللت ، اؤنونده گوجلو ليدئر، گوجلو تشكيلات، گوجلو قهرمانلار گؤرمك ايسته يير. ميللت اولاراق اؤزونو ضعيف گؤرن بير اولوسون گوج ساواشينا گيرمه سي اوچون ، اوندا ضعيف ليك پسخولوژي سيني اؤلدورمك لازيمدير. اونون گئچميشده گوجلو اولدوغون وورغولاماق لازيم دير. هابئله پسخولوژيك ساواش ايلكه لرينه داياناراق اؤز طرفي گوجلو و دوشمن طرفي گوجسوز گؤسترمك گركلي ايشلردن ساييلير.

اوسته ليك ، "فارس شوونيزمي باشقا مستبد حاكميت لر كيمي سونوندا يالنيز گوجلولرله حسابلاشاجاق" دوشونجه سي، گوجلو اولماق و گوجلو گؤرونمه يي ميللتچيلر آراسيندا گئنل بير ايسته يه چئويرميشدير. ميللتچي شخص لر و قروپلاريميزين داورانيشلارينا و يازيلارينا و دانيشيقلارينا باخساق بونو چوخ قولايليقلا گؤرمك اولار.

گاموح همين گركسينيملره گؤره گوجلو اولماق و گوجلو گؤرونمه يي پيلانلارينا يئرلشديريب.  بونون چوخ اولوملو قازانجلاري اولسادا ، اولومسوز ائتگي لريده قاچيلماز اولموشدور. گوجلو اولماق و گوجلو گؤرونمك گاموحا هم ايچريده و هم ديپلوماتيك آلاندا اوغورلار گتيرميشدير. بو اوغورلار ميللتيميزين گلجه يي اوچون واز كئچيلمزايدير. آنجاق گوجلو گؤرونن گاموح تشكيلاتيني ميللتيميزين قورتولوشون ايستمه ينلرده گؤروردو.

باشدا فارس موللا رئژيمي قارشيسيندا اولان ان بؤيوك ميللي گوج ساييلان آذربايجان حركتيني ييخماق اوچون اونون ان گوجلو تشكيلاتي و ليددئريني ييخماغي اون پيلانا كئچيرميشدير.

گاموح و میللی ليدئر فارس موللا رئژيمينين و ميللتيميزين قورتولوشونو ايستمه ين باشقالارينين سالديري لارينا اوغراميشدير. بو سالديريلارا سينه گرن گاموح ان آغير هزينه لره قاتلاشميشدير. فارس رژيمينين ايچري دكي سرت سياستلري گاموحا آغير ضربه لر وورسادا ، اونو داها آرتيق جسارت لنديرميشدير. آنجاق فارس رژيمينين يوموشاق سياست لري سونوجو گاموح آرديجيل بوحرانلارلا قارشيلاشميشدير.. ايران ايسلام جمهورييتي حاكميتي، گاموحدا بحران ياراتماق و اونو یيخماق اوچون بوتون آراجلاردان، ميللتچي سيلاحداشلاريميزدان بئله استفاده ائتميشدير.

گاموح گؤروندويو قدر گوجلو دئييل دير. همين گوجسوزلوك سونوجو، گاموح يوموشاق سياست لر اؤنونده بحرانلارا دوشموش و بو گونه قدر بحرانلاري چوخ چتينليك له آشميشدير. گاموحون ديشاريدا اوغراديغي ايتگي لر بو بحرانلارين بير باشا سونوجودور.

ديكتاتور فارس موللا حاكمييتي باشقا، ديكتاتور ايدئولوژيك حاكميت لر كيمي آياقدا دورماق اوچون دوشمنه احتياجي وار ، آنجاق بو دوشمن ضعيف دوشمن اولمالي دير. ضعيف دوشمنين آياقدا ساخلاماق و گوجلو دوشمني چؤکورتمك ايلكين سياسي اويون قايدالاريندادير. بوتؤو آذربايجان ايديياسينا دوشمن اولانلار و يا اونو اؤز قازانجلارينا گؤرمه ينلر بو ايدييا يا خيدمت ائدن گوجلو تشكيلاتلاريميزي داغيدير و بو ادبيياتي داشييان ضعيف تشكيلات لار يارادير. خالق جبهه سي و داك كيمي تشكيلاتلارين آجيناجاقلي دورومو بونا گؤزل اورنك دير. خالق جبهه سيندن آيريلان جيرتدان تشكيلاتلارين، بو ايدييايا قارشي اولانلارا هئچ تهلوكهسي يوخدور. دؤرد يئره بؤلونن داك تشكيلاتي ايسه هابئله.

گاموح ايچريده هله ليك اؤز بیرلییین و گوجون قورويوب، آنجاق ديرلي سيلاحداشلاريميز بيلمه ليدير كي ، بحرانلار، سالديريلار، تخريباتلار، توتوقلامالار و شايعه لرين آردي كسيلمه يه جك.

گوجسوزوك سه ، موباريزه گركلي ديرسه، بحران قاچيلمازدير. بيز موباريزه مئيدانينداييق و بو ميداندا موباريزه ائدرك گوجلنمه يه محكوموق.

2-دئوريمجيل موباريزه يؤنته مي و گئرچكليك:

ميللي ايدئولوژيميزه، بوتؤولوك ايديياميزا باخديقدا، ‌ميللي مفكوره ميزين دئوريمجيل اولدوغونو دويماق چتين دئييل. روس و فارس اسارتي آلتيندان قورتارماق، بوتؤو آذربايجان ياراتماق ، دوشونجه ده و بؤلگه نين ژئوپولوتيك قونوموندا ائله بؤيوك دييشيكليك ايسته يير كي اونو اصلاحات ايله يوزماق چتين دير.

بوتؤو آذربايجان ايدييا سينين بير آشاماسي نين گئرچكلشمه سي بو ادعايا ثبوت دور. آذربايجانين قوزئيينين باغيمسيز اولماسي و روس اسارتيندن قورتارماسي شوروي نين داغيلماسي ايله برابر اولدو. شوروي نين داغيلماسي ايسه هم سياسي باخيمدان هم ژئوپولوتيك باخيمدان بؤيوك دئوريم ساييليردي. گونئي آذربايجانين باغيمسيزليغي دا بؤيوك دئوريمله باش توتاجاق. ميللي حقوقوموزون الده ائديلمه سي بير سيرالارينين باخيشيجا ائوريمسل (تدريجي) اولمالي دير. آنجاق همين شخص لر فارش شوونيزم حاكميتيندن نئچه ايلدن سونرا ان ايلكين حقوقوموزو بئله آلانماييبلار. اونا گؤره ده گاموح و ميللي ليدئر چؤهرقانلي حقوقوموزون هاميسين ايسته ييب. " بيز ناموسوموزو ايسته ييريك، اونلار پالتاريندان، ساچيندان بير تيكه قوپارديب وئرمك ايسته ييرلر" ديين چؤهرقانلي هله فارس جايناغي آلتيندا اولان تبريزده راديكال اولدوغون گؤسترميشدير. ايستكلريميزي و حقوقوموزو تمللي الده ائتمه يي دوشونموشدو و بو ايستك لر اؤلكه ده و بؤلگه ده بؤيوك دئوريم طلب ائدير. دونيادا باش وئرن بوتون دئوريملرده ، راديكال لار اونده گئتميش آغير هزينه لر (اؤدنج لر ) وئرميشلر.

ايستك لری اينقلابي اولان و ان ايلكين حقوقو وئرمك ايستمه ين تئولوژيك- مستبد حاكميت ايله موباريزه آپاران بير حركت، اصلاحاتچي اولابيلمزدي. دئوريمجيل موباريزه متودي ايسه بيلديميز كيمي چئوره ميزده اولان گئرچك ليكلرله اويغون دئييل. بير طرفدن اؤلكه نين گئنل قوشوللاري هله ليك دئوريم قوشولو سويه سينه گليب چاتماييبدير، لنين دئدييي كيمي دئوريمين مادي شراييطي هله ليك حاضير دئييل، باشقا يؤندن ميللتچيلر آراسيندا هله ليك موباريزه روحو كامل لشمه ييب.

"بيز گرك موسيقيميزي، ديليميزي تانيتديراق" ، " بيز گرك مدني حركت ائدك" ، "بيز گرك دوشمنه بهانه وئمه يك" و ... بو كيمي شوعارلاري نصيحت كيمي بير چوخ ميللتچيلردن ائشيتمك اولار.

21 آذر آغيرلاما تؤرني، ستارخان آغيرلاما تؤرني ، خوجالي فاجعه سي گونو، آناديلي گونو، خورداد حادثه سي نين ايل دؤنومو گونو و 1384 دن بئله بابك قالاسي قورولتايي نا ييغيلان ميللتچيلرين سايي گؤسترير كي ، ميللي حركتيميز ايچينده ميللتچيلرين نئچه فاييزي انقلابي حركتلره حاضيرديرلار. نئچه فاييزي هزينه ني گؤره رك مئيدانا گيرمه يه حاضيردير و ... .

بئله حركتلرين هزينه سي يوخاري اولدوغونا و تشكيلاتا باغلي اولماغين هزينه سي قات- قات آرتيق اولدوغونا ايچريده گاموحا اويه اولانلارين سايي ايسته نيلن قدر دئييل. اويه اولانلارايسه اويه ليكلرين گيزلتمه لي ديرلر. يوخسا اويه لي يين ميللتچيلر طرفيندن بيلينمه سيده اطلاعاتین بيلمه يي قدر هزينه لي دير. آمئریکادان یایینلانان بیر تلویزیا آپاریجیسینین ساتقینجا آچیقلاماسیندان سونرا اؤیرنجی لریمیزین وئردیی هزینه دن درس آلمالی ییق. میللتچیلیک ادعاسیندا اولان هر کسه گوونمک اولماز.

دئوريمجيل حركتيميزه ديش چئورميزينده هله ليك راضي ليغي يوخدور. اونا گؤره ياخين و اوزاق ديش چئوره ميزدن گاموحا قارشي چابالارا تانيق اولدوق. بو چابالارايسه گاموحون قارشيسيندا مانعلر تؤرتمكده دير. همين مانعلري آشماق آنلاري بير چوخلارينين فيكرينجه بحران ساييلير. اؤزتجه سي گاموح دئوريمجيل سياستله حركت ائتديينه ، ايچريده آغير هزينه لر وئرمكده دير و ديشاريدا بؤيوك مانع لرله قارشي – قارشييا دير. آغير هزينه لردن قاچماق و ديش دونيادا مانعلره توش گلمه مك گاموحون ايسته يي دير آنجاق بو ايستك لره چاتماق ، اساس استه ييميز اولان ميللي قورتولوشوموز و ميللي بوتؤولويوموزدن واز كئچمك له مومكوندور، بو ايسه گاموحون وار اولماسي ايله چليشكي ده دير. گاموح اونده گئدن بير بايراقچي دير، بو بايراقچي قوناقليغا يوخ ، موباريزه يه گئدير. 1382-اينجي ايلده بابك قالاسيندا ميللي بايراغيميز دالغالانان زامان چوخلاري " بو استقلالچي ليق نشانه سي دير" دييه گاموحچولاري راديكال و آشيري آدلانديريرديلار. ايندي همين ميللتچي لر بايراغين نه اولدوغونو دوشونوبلر و بو بؤيوك اوغور ساييلير.

3- دوقتو چهرقانلي نين ميللي ليدئر اولماسي ايله ياناشي سياسي ليدئر اولماسي:

دوقتور چهرقانلي تبريزده اولاركن اؤز فداكارليغي، قورخمازليغي، جسارتي، اينانجي، دؤنمزلييي و اؤنجول لويو ايله ميللي ليدئر سويه سينه اوجالميشدير. همين ايللرده ايدئولوژيك آچيدان ميللتچي اولمايان ، آنجاق حركتين ايچينده گؤرونن انسانلاردان باشقا ، ميللتچيلرين بؤيوك چوخونلوغو چهرقانلي نین آرخاسيندايدير. تبريزده ائو دوستاغي اولاركن ميللي ليدئرين دانيشيقلاري بوتون شهرلريميزده الدن – اله گزيردي. ، اؤيرنجي درگي لرينده، تؤرنلرده اونون بير ليدئر اولاراق يا ساوي اوخونور ، ياشاسين چهرقانلي شعاري وئريلير و يا ان آزيندان بالاجا اوتورمولاردا اونون حاقدا و اونون گؤردويو ايشلره گؤره دانيشيليردي.

همين ايللرده چهرقانلي نين دانيشيقلاري سئويليردي، بونا گؤره كي دوقتور چهرقانلي هئچ بير سياسي مصلحتي گؤزلمه دن ميللتيميزين عصيان سسي اولموشدور. دانيشان ديلي اولموشدور. ميللتيميزين اساس ايستكلرين قورخمادان، چكينمه دن، هئچ بير مصلحتي گؤزه آلمادان هایکيريردي. اونون گورولتولو سسي ايله مينلر گنج ميللي حركته قوشولموشدور.

هر طرفدن كنترل دا اولان ميللي ليدئرين عصيانكار روحون و جوشدوروجو ديلين كنترل ائله مك ممكن دئييلدي.

ايچريده يالنيز ميللته گوونن چهرقانلي ديش دونياسينا چيخير و يئني گئرچك لرله تانيش اولور. ميللي قورتولوشوموزا گركن باشقا عاميلل لرين رولون آلقيلايير، مانع لری گؤرور و گئت – گئده ميللي ليدئر سياسي تمثيلچي كيمي رول داشيماق مجبورييتينده قالير. سياسي – ميللي ليدئر چهرقانلي نين گؤروشلري و دانيشيقلاري كئچميش دن فرقلي اولور. ميللتين اساس ايستكلرين ديله گتيرمكدن سه همين ايستكلرين يولون آچماغي اؤنده توتور. ميللتين غرور سيمگه سي اولان چهرقانلي ميللتين منافعي اوغروندا غرورون آياقلايير، سئوگيسيني – نفرتيني سؤندورمك مجبورييتينده اولور. بو اولايي بير سيرالاري بيله رك و بير سيرالاري بيلمه يه رك باشا دوشمورلر. چهرقانلي يا قارشي انتقادلار باشلايير. تخريباتلار بو دؤنه دوشمن دئييل ، دوست طرفيندن ياغديريلير.

ساده ديلده ميللتين آرزولارين ديله گتيرن، اومود و جوشقو يارادان ميللي ليدئرليك و گئرچكليكلري گؤزه آلاراق ، سياسي مصلحتلر ايچينده سياسي ليدئرليك ، چليشكيلره ندن اولور. همين چليشكيلر گاموح دا سورونلار يارادير. بونلار اصلينده سياست دونياسيندا دوغال اولسادا ، هله تماميله سياسي لشمه ين ميللي حركتيميزده بير سيرالاري وريندن آنلاشيلمير. گونوموزده اؤلكه لرين اؤز قازانجلاري اساسيندا سياسي توتوملاري اولايدان اولايا دييشه بيلدييي حالدا ، گاموح و اونون ليدئري بير توتومو "كيشي سؤزويموش" دييه دييشمه يه حاققي يوخموش سانكي!

حركتيميز سياسي حركت اولدوغونا سياست مئيدانينين قوراللاري ايچينده حركت ائتمه ليدير.

سياسي بيلگين لريميز و گئنل ليكده ميللتيميز سياسي چيخيش لارين نه اولدوغونو بيليرلر. ساده جه آز سايدا دوستلاريميز يا سياسي چيخيشین نه اولدوغون بيلمير و يا بيلمك ايسته مير.

اؤزتجه سي گاموح و ميللي ليدئريميزين سياسي چيخيش لاري بو تشكيلاتي بعضاً ايده آليست ميللتچيلر طرفيندن ائله شديرمه يه معروض قويموشدور و گاموحو همين سياسي چيخيش حاقدا آچيقلاما وئرمه يه مجبور ائتميشدير.

بئله سورونلارين چؤزولمه سي اوزون سوره ده قولايدير. اوزون سوره ده گئرچكلرين چوخو اوزه چيخير آنجاق قيسسا سوره ده بو سورونلاري چؤزمك گاموحچو سيلاحداشلاريميزدا بحران اؤزلليكلي دويغولار يارادير.

البته وورغولانديغي كيمي دوقتور چهرقانلي ميللي- سياسي ليدئريميزدير. ميللي ليدئر اؤز ميللتينه گلديكده سياسي اويونلاردان اوزاق، سياسي مصلحت لردن اوزاق، ساده ديلده گرچكلري دانيشمالي دير.  قوزئي آذربايجان و توركيه ميللتيني اؤز سايان ميللي ليدئريميز، بو اؤلكه لرين سياسي حركتلرينه گؤره بير سياستچي كيمي دئييل ، ميللي ليدئر كيمي ، بير ميللتچي كيمي تپكي گوسترير. ميللي مفكوره ميز اساسيندا اؤزوموزو قوزئي آذربايجانلا واحد ميللت سايديغيميز حالدا ، قوزئي آذربايجان حاكمييتينين ميللي باخيمدان يالنيش حركتلرينه ديپلوماتيك ژست توتوب ، گؤز يوممايان ليدئريميز بو حاقدادا ائلشديريلره معروض قالميشدير. بو قونو تكجه ائلشديري سويه سينده قالماميش، گاموحو چؤکورتمه چابالاري ايله ده اوغراشديرميشدير. قوزئي آذربايجان، بشر حاقلاري قونوسوندا ، ايراني ائرمنيستانلا بنگلادشله برابر دستكلمه سيندن سونرا ، يالنيز ميللي ليدئر چهرقانلي طرفيندن سرت چيخيش لار گلدي. همين چيخيش لاردان سونرا گاموحون ديش قولوندا بؤيوك سورون ياراندي. ميللي ليدئر و گاموح،  يا ميللي مفكوره ميزدن داشينمالي و قوزئي آذربايجانا اؤزگه كيمي باخمالي دير يادا قوزئيي اؤز ساناراق ، سياسي مساله لره قاريشمادان ميللي مساله لريميزده ساكيت قالماماليدير. قاراباغ قونوسو تكجه قوزئي آذربايجانين بوگونكو اقتداري نين سورونو دئييل. قاراباغ هم قوزئي دكي موخاليفتين هم ده گونئي حركتي نين سورونودور. گونئي آذربايجان مساله سي ده ميللي مفكوره ميزه گؤره قوزئی آذربایجانین دا سورونودور. یابانجی اؤلکه لر و میللتلره گلدیکده  ميللي ليدئريميزين سياسي چيخيش لاري و آرا سيرا توتوم دييشمه سي اونلار طرفيندن دوغال گؤرونور. ساده جه بيزيم بير سيرا ايده آليست دوستلاريميز و يا ايده آليست ژستي توتانلار يابانجي دئولت لر طرفيندن ميللي ليدئري " سؤزون دییشمه مه لیدیر"  دييه محكوم ائديرلر. بو ايسه تاريخين گولونج اولايلاريندان دير.

4- اقتداردان قاچيش :

پسخولوقلارين باخيشيلا اينسان داورانيشلارينين اساس ندني گركسينيملر(احتياجلار) دير. بو گركسينيملرين چوخو اينسان اوغلونا دوغادان (طبیعت) گلسه ده ، بير سيراسي ائييتيم و دنه ييملردن ، هابئله اينسانين ياشاديغي محيط دن قايناقلانير.

ايران محيطينده ياشايان اينسانلار ايللردير ديكتاتور رژيملرين ، مستبد حاكميتلرين قانون آدينا، دين آدينا ميللتلره ظولمونو داديرلار. گئنل ده ميللتيميزين چوخونلوغوندا و اؤزلليكله آزادليق سئور اينسانلاردا اقندارا قارشي، قانونا، دوزنه، ديسيپلينه و بوروكراسي يه قارشي ديره نيش يارانيب.  قانون، ديسيپلين، بوروكراسي، دين و ... آدينا اوقدر ظولم اولوب و ميللتين حاققي آياقلانيب كي ، ايقتدارلا، قانونلا برابر ظولم و ديكتاتورلوقدا اينسانين بئينينده جانلانير.

عادي سوروجولوك قايدالاري هامي اوچون فايدالي اولسادا، قانون ساييلديغينا، پوليس و اقتدار آياغي گؤرولدويونه هامي اونا قارشي ديره نيير. باخماياراق كي يول قايداسين پوزانلار هامي يا تهلوكه لي ديرلر.

اقتدارا قارشي ديره نيش، اقتداردان قاچيش، اؤزلليكله آزادليق سئور اينسانلاردا و ميللتچيلرده داها آرتيق گؤرونمكده دير. حاكمييتده اولماق، اقتداردا اولماق ظالم لرله ، ديكتاتورلارلا بير سيرادا اولماق آنلاميندادير. بو اقتداردان قاچيش پسخولوژيسينده، گونئي آذربايجان ميللي اويانيش حركاتينا (گاموحا) گلديكده ، گاموحون الده ائتدييي اوغورلار ، گؤتوردويو آدديملار، ايچريده و اولوسلار آراسي آلانداكي قونومو، گلجك آذربايجاندا ايندي دن اقتدار كيمي گؤرونمه سينه ندن اولموشدور. ائلشديريجي ميللتچيلرين يازيلارينا و دانيشيقلارينا اؤزن گؤسترديكده بونو آچيقجا گؤرمك اولار. "حركتين اقتدار پارتيياسي" ، "انحصارچي لار، ديكتاتورلار،..."  كيمي دئييملري گاموحا ياپيشديرانلارين باخيشلاري، اونلارين گاموحا گؤره اينانجلارين گؤسترير.

گاموحو گله جه يين اقتداري گؤرن ميللتچي ،"اقتداردان قاچيش " پسخولوژيسي اساسيندا گاموحا قارشي ديره نير. گاموحون آتديغي آدديملار ميللي حركتيميزين قازانجينا اولسا بئله ، قارشي سيندا ديره نن و عناد ائدن بير سيرا ميللتچيلرين حركتي بو باخيشلا دوغالدير.

آنجاق چوخ ياخشي اولار كي ميللتچي آرخاداشلاريميز اؤز داورانیشلاریندا آزاد و موستقیل حرکت ائتسینلر. گاموح ایسه میللی قازانجیمیزا اولان قرارلاردان، " انتقاد اولونار دئییه" ، "انحصارچی دیکتاتور" دئیرلر دییه چکینمه مه لیدیر. اؤرنه یی میللی بایراق قونوسوندا گاموحو ائلشدیرنلرین بیر سیراسی "بیزیمله مصلحت لشمه یبلر " دییه رک گاموحو دیکتاتور آدلاندیریرلار و یا UNPO یا گاموح میللتیمیزی اویه اندیردیینه گؤره ، UNPO نون اؤنمینی دوشورمک ایسته ییرلر. بونلارین قارشیسیندا گاموح تسلیم اولمامالیدیر. گاموحو گله جه یین اقتداری گؤرن سیلاحداشلاریمیزین بو تور داورانیشلاری بو نسلیمیز وارکن همیشه اولاجاق. گاموح ایسه آذربایجان میللتینین اقتدارا گلمه سینی دوشونور.

گاموحون موستقیل لییی و ماراقلی اؤلکه لرین ایستک لری:

سویوق ساواش دؤنمی یارانان میللی حرکت لرین چوخو بیر تورلو ایکی بؤیوک سوپرگوجون بیرینه باغلی اولوب. همین باغلی لیق تکرار اولدوغونا گؤره سانکی عادته چئوریلیب.

گؤردویوم قدر میللتچیلرین و عادی میللتین آراسیندا هله بو عادت یایقین دیر. چوخونلوق حرکتین سونوج آلماسینی دوشوننده ، بؤیوک گوجلره باغلی اولوب ، اولمادیغینی دا دوشونور. "حرکت خارجدن حمایت اولماسا نتیجه آلا بیلمز"  گئنیش دوشونجه یه چئوریلیب.

گاموحون باشچیسی و میللی لیدئر چهرقانلی نین بوتون دیپلوماتیک گؤروشلرینده ان قاباریق اؤزللیک ، موستقیل لییمیزی قورویوب ، ساخلاماق اولوب.

آذربایجان دئموکرات فرقه سینین و پیشه وری نین رهبرلیینده میللتیمیزین باشینا گلن بلادان عبرت آلان گاموح،  بو گونه قدر میللتیمیزین طالعینی هانسی سا اؤلکه نین الینه بوراخماییب. اؤز و قارداش سایدیغیمیز آذربایجان و تورکیه دئولت لرینین بئله ، مساله لریمیزه بیرباشا قاریشماسینا ایجازه وئرمه ین میللی لیدئریمیز، بو سیاستین هزینه لری ایله دوغال اولاراق قارشیلاشاجاقدیر. ان آغیر دوروملاردا بئله بوتون چتینلیکلره دؤزه رک ، هانسیسا اؤلکه نین و یا شخصین میننتی آلتینا گئتمه ین تشکیلات، سورونلار یاشاماغا محکومدور. بو آغیر گونلرین شیرینلیی میللتیمیزین قارشیسیندا آنلی آچیق اولماغیمیزدیر. حرکتی کنترل آلتینا آلماق ایسته ین اؤلکه و شخص لر ایسه بیر گون بو دؤنمزلیی و استقلالی قبول ائتمه لی اولاجاقلار.

یئتیرگن (رسانه) دن قورخو:

بشر تاریخینده تبلیغات چوخ قدیملره قاییتسادا، اونون اؤنمی 20-اینجی یوز ایلده، اؤزللیکله ایکی دونیا ساواشی و سویوق ساواش دؤنمی ذیروه یه چاتمیشدیر. سویوق ساواشدا گوجلو سیلاح کیمی قوللانیلان تبلیغات ، بازار اقتصادییاتینین دا اساس اؤزللیینه چئوریلمیشدیر. اقتصادی شرکتلر تبلیغاتا آییردیقلاری پولو هزینه یوخ سرمایه کیمی گؤرمکده دیرلر. اینترنت ، تلوزیون، رادیو قازئتلر شهر ایچی دووارلار، تابلولار و سایر تبلیغاتلا دولودور. تجاری ماللار نه قدر چوخ گؤزه ده ییرسه، نه قدر اؤنملی یئرلردن آدلاری تکرار اولورسا، قازاندیقلاری موشتری لرین سایی چوخالیر.

بیر سیرالاری سیاسی مساله لرده ، اینانج و اعتقادی مساله لرده تبلیغات رولونو تیجاری ماللارداکی قدر اؤنملی بیلیرلر. بیرحالدا کی عقیده مساله سینده و دیرسل قونولاردا تبلیغاتین و آرتیق تکرار اولمانین ائتگیسی توکتیم (مصرفی) ماللار کیم