اؤيرتمنيم، سن منه فارس شوونيسمينين درسليك لرين اؤيرتمه دين، آمما سن منه ياشايشیمین مبارزه مین و ساواشیمین درسين وئريبسن. سن منيم ان بويوك اؤيرتمنيم سن. بوگون سنين يانيندا دييلم و بو يوخلوقون منه، سني تانيان و حتي آديني ائشيده ن هركسه درين ائيتكي بيراخير. سنين اوچون چوخ داريخيرام، يوخلوقوندا نه قده ر قيمتلي اولدوقونو داهادا ياخشي باشا دوشدوم. هر زامان سني گؤرنده گوج آليب و داهادا گله جگه اومودلو اولوردوم . سني اوزاقدان گؤرمك بئله منه بويوك سئوينج وئريردي. بهبود بي ايشلرين نه قده ر باشيندان آشقين اولسايدي بئله سني گورميه گلن هر كسي بؤيوك سئوگي و چوخ ياخشي شكيلده قارشيلاردين دوغروداندا بؤيوك ائلدارسان، ان بؤيوك!

بو گون سنين يانيندا اولماسامدا سنينله اولان خاطيره لريمي ياديما ساليب او بوشلوقو دولدورماقا چاليشيرام. سني گورمك اوچون نه لر ائتمزديم كي!

بؤيوك اؤيرتمنيم بهبود بيه سونورام

سهند قوشاچایلی

بهبود قليزاده جنابلارينا ايتهاف اولونور

بهبود بي من سنين يوزلر جه مدرسه سیز اويرنجي لرينن بيريسيم، سنين درين باخيش لارين و معنالي سؤزلرين چوخ اؤزلميشم. سنين اؤچون چوخ داريخيرام، نيه ده داريخماييم کی، سني گؤرمك اؤچون نه بهانه لر گتیرمزدیک. نه ائيسه سؤزجوک لر سني وصف ائتمكده گؤجسوز اولر.

آنجاق گؤه نيرم توپراغيما كي قليزاده لر، اكبر آزادلار، سعيد متين پور لار، امانيلر،‌ و عبداللهي لر و پینارلار و... بسله يب، گؤوه نيرم اؤزومه كي بهبود بي ين اؤيرنجي سيم. اؤيرتمنيم سني چوخ اؤزله ديم، همي ده چوخ.

بهزادقوشاچایلی

http://behbud-qulizade.blogfa.com/